مجلة مصر الجديدة هي مجلة الكترونية تصدر شهريا في الخامس عشر من كل شهر. يقوم بتحريرها باقة من ابرز المدونين المصريين والمهتمين بالشأن المصري
المجلة تهدف الي تحليل المشهد المصري الحالي وتقديم رؤية عصرية لكيفية التعامل مع المشاكل التي يمر بها المجتمع المصري الآن. كما يقوم كل كاتب من كتاب المجلة بطرح وجهة نظره الخاصة واقتراحاته فيما يتعلق بالتغلب على هذه المشاكل وما قد يساهم في تنمية المجتمع وافراده
يعني بالبلدي كدة، لو عايز تعرف ايه مشاكل مصر، وليه، والحل ايه، تعالى كل شهر في نصه بالتمام، واقرا الناس دي بتقول ايه. أكيد هتلاقي حاجات كتيرة تهمك وافكار كتيرة تنفعك
لو انت مصري بتحلم ان مصر تبقى أحسن
لو انتي مصرية عايزة بكرة يبقى اجمل من انهاردة
لو انت عربي ومهتم ان مصر تنهض ويبقالها دور فعال في المنطقة
لو انتي عربية وحاسة ان الأمل في وطن عربي متطور ومتقدم بيبدأ من مصر
يبقى المجلة دي هي اللي انت وانتي بتدوروا عليه
هتلاقونا دايما معاكم باقتراحاتنا وآراءنا وتحليلاتنا ودراساتنا.. كلنا عندنا نفس الحلم.. كلنا بنحب مصر وعايزينها تبقى أم الدنيا بحق وحقيق. عايزينها تطلع من مشاكلها وتقوم من غفلتها وتتقدم بولادها. عايزين بكرة يبقى أحسن للأجيال اللي جاية. عايزين الأطفال بتوع انهاردة يفتخروا بينا وباللي حققه جيلنا
يلا ايديكم ف ايدينا.. نبني سوا مصر الجديدة
